Ang pagbibigay ng effort para mapasaya ang iyong girlfriend ay hindi masasayang kailanman, lalo na kapag siya ay may problema. Ang pag-intindi sa pag-uugali niya at pagbibigay pansin sa kung ano ang makapagpapasaya sa kaniya ay makapagbibigay ng ngiti sa kaniyang mukha.
Totoo na kapag ang isang babae ay nasa taong sobrang gusto niya, ang kaniyang katawan ay naglalabas ng sangkap na nakatutulong upang maging magana siya na kung saan ay nakabubuti sa kaniyang pag-iisip at pangangatawan. Habang may kani-kaniyang pangangailangan ang mga kababaihan, mayroong isang bagay na paniguradong magagawa mo at makapagpapasaya sa kaniya.
Magbigay atensyon
Mas mapaghayag ang mga kababaihan kaysa sa mga kalalakihan. Kaya kapag sinabi niya sa iyo ang kaniyang problema paglaanan mo ito ng pansin. Pareho itong makatutulong para sa inyo dahil mabibigyang solusyon nito ang kaniyang problema at mababawasan pa ang kaniyang pag-aalala. Kapag kayo ay may pinagtatalunan, huwag kang magpokus sa kung ano ang mapapatunayan sa kaniya at maging sensitibo sa mga bagay na gusto niyang baguhin. Tumango at sumagot, ipinapakita lamang nito na nakikinig ka sa kaniya.
Bigyan mo siya ng pagkakataon na ipakita ang kaniyang saloobin ng hindi hinuhusgahan. Ito ay isang give and take na sinaryo, at ang pakikinig ay makapagbibigay sa kaniya ng pabor.
Magluto
Lutuan mo siya ng pagkain. Kapag hindi ka marunong magluto, hindi pa huli ang lahat upang matutunan mo ito. Tunay na mas madali ang dalhin siya sa kainan ngunit wala pa ring tatalo sa lutong bahay na puno ng pagmamahal at pag-aalaga.
Hindi kailangang maging komplikado ang inyong kakainin. Ang isang simpleng spaghetti na may pampalasa ay sapat na. Upang madagdagan ang kasiyahan, maaari ka ring magbukas ng isang bote ng wine. Itanong mo kung anong pagkain ang gusto niya at pag-aralan ito online. Kung gusto mong pusmasok sa isang cooking class dahil pakiramdaman mo na kakaunti lamang ang kakayahan mo at hindi pa sapat iyon, bakit pa, mayroon namang YouTube.
Alisin mo siya sa kaniyang nakasanayan
Kapag ganoon na lamang ang palagi niyang ginagawa, tulungan mo siyang sumubok ng panibagong bagay. Kung palagi na lamang niyang sinasabi ang isang partikular na aktibidad na gusto talaga niyang masubukan, magplano ka ng paglabas ninyo at subukan ito. Mamundok kayo o kaya naman ay maligo sa dagat. Ano man ito, gawin mo ito ng kasama siya. Ito ang makapagpapalabas mula sa kaniyang nakasanayan at magpapakita na binibigyang pansin mo ang kaniyang mga kagustuhan.
Pakinggan mo ang kaniyang mga kagustuhan
Anumang aktibidad ang gusto niyang gawin, suportahan mo ito. Makinig kang mabuti sa kaniyang mga sinasabi. Ito ang makatutulong sa iyo para malaman mo kung ano ang gusto niya. Bigyan mo siya ng regalo na angkop sa kaniyang hilig, maaari ka ring sumali kung gusto mo. Magkakaroon ka ng panibagong kakayahan at magiging masaya ang iyong girlfriend dahil naririyan ka para sa kaniya.
Pahalagahan mo ang kaniyang relasyon
Pagtibayin mo ang inyong relasyon kasama ang kaniyang mga kaibigan at kapamilya. Imbitahan mo sila para sa isang kasiyahan o mag-isip ka ng mga aktibidad na makapagpapasaya sa kanila. Ito ang makapagbibigay kasiyahan sa kaniya dahil binibigyang halaga mo ang mga taong malalapit sa kaniya. Isa rin itong mabuting paraan upang ipaalam sa kaniya na pinapahalagahan mo ang kaniyang kasiyahan at nakadaragdag din ito sa inyong relasyon.
Maging mapagkumbaba
Aminin mo ang iyong pagkakasala kung ikaw ay nasa mali. Alam niya na mahirap para sa isang lalaki ang umamin sa kaniyang kasalanan, kaya makikita niya ito bilang isang matibay na senyales na nirerespeto mo siya at pinapahalagahan mo ang inyong relasyon. Mapapahalagahan niya ang iyong pag-amin sa iyong nagawang kasalanan, na magdadala sa kaniya upang maging masaya sa inyong relasyon.
Gamitin mo ang mga pamamaraang ito bilang puntos upang mapasaya mo rin ang iyong girlfriend. Ang bawat babae ay kakaiba, kaya kakailanganin mo ito depende sa kaniyang personalidad. Good luck!
Sa lahat ng babae riyan, paano kayo pinapasaya ng inyong kapareha? Ibahagi ito sa kumento sa ibaba!
Please click the link for English version: 6 Ways To Brighten Up Her Day
